Skip Navigation

National Geographic Society This program is distributed in the U.S. and Canada by National Geographic and EHD. [learn more]

Multilingual Illustrated DVD [Tutorial]

The Biology of Prenatal Development




جمن توں پہلاں بڑھوتری دا علم حیاتی

.پاکستانی پنجابی [Punjabi, Western]


 
Download English PDF  Download Spanish PDF  Download French PDF  What is PDF?
 

Chapter 15   5 Weeks: Cerebral Hemispheres

‏4 تے 5 ہفتیاں دے وشکار ‏دماغ دی بڑھوتری سب توں چھیتی ہوندی اے ‏ہور ایہہ 5 وکھو وکھ حصیاں وچ ونڈیا جأوندا اے۔

‏سر حمل دے بچےدی کل جسامت دے 1/3 حصیاں دے برابر ہوجأوندا اے۔

‏دماغ دے ول کھاندےحصے بنن لگدے نیں، ‏ہور ہولے ہولے دماغ دے وڈے حصے دی شکل اختیار کر لیندے نیں۔

‏دماغ دے ول کھاندے حصے جنہاں فعلاں نوں کنٹرول کر دے نیں انہاں وچ ‏سوچ، سکھلائی، ‏یادداشت، گل بات، نظر، ‏سننے ، اپنی مرضی نال حرکتاں ‏تے مسئلے حل کرنا شامل نیں۔

Chapter 16   Major Airways

‏ساء لین دے نظام وچ، ‏ہوا دی نالیاں دے حصے سجے تے کھبے مجود نیں ‏جیہڑے ساء لین دیاں نالیاں، ‏تےہوا دی نالی ‏نوں پیھپھڑیاں نال ملأوندے نیں۔

Chapter 17   Liver and Kidneys

‏دھڑکدے ہوئے دل دے نیڑے ڈھڈ نوں گھیرن آلے ‏جگر تے غور کرو۔

‏پکے گردے 5 ہفتیاں بعد ظاہر ہوندے نیں۔

Chapter 18   Yolk Sac and Germ Cells

‏بیضے دی تھیلی وچ شروں آلے تخلیقی خلیے ہوندے نیں ‏جیہڑے جراثیمی خلیے کہواندے نیں۔ ‏5 ہفتیاں تکن ‏ایہہ جراثیمی خلیے ‏گردیاں نال تخلیقی اعضاواں کول ‏ٹر جأوندے نیں۔

Chapter 19   Hand Plates and Cartilage

‏5 ویں ہی ہفتے تکن، ‏حمل ہتھاں دی مٹھ بنأون لگدا اے، ‏ہور 5 1/2 ہفتیاں وچ ہڈیاں دی کری بنن لگ پیندی اے۔

‏ایتھےاسیں5 ہفتیاں تے 6 دیہاڑیاں وچ کھبے ہتھ دی مٹھ ‏تے کلائی ویکھنے آں۔

Embryonic Development: 6 to 8 Weeks

Chapter 20   6 Weeks: Motion and Sensation

‏6 ہفتیاں تکن دماغ دے دو ول کھاندے ہوئے حصے ‏دماغ دے دوجیاں حصیاں تو بہوت چھیتی ودھن لگ پیندے نیں۔

‏تے حمل خود بخود تیز تے اضطراری حرکتاں ‏شروں کر دیندا اے۔ ‏ایہہ جی حرکت ضروری اے ‏تاں کہ عصبی پٹھیاں دی بڑھوتری ہووے۔

‏منہ دے حصے کول ہتھ لے جان تے حمل ردعمل دے طور ‏تے اپنا سر پچھے کر لیندا اے۔

Chapter 21   The External Ear and Blood Cell Formation

‏کن دی باہر آلی شکل بننی شروں ہوندی اے۔

‏6 ہفتیاں تکن، ‏جگر وچ خون دے خلیے دی بناوٹ بن رہی ہوندی اے ‏جتھے ہون لمفی غدود وی مجود ہوندے نیں۔ ‏خون دے چٹے خلیے دی ایہہ قسم ‏جسم دے راکھی نظام دا اک اہم حصہ اے۔

Chapter 22   The Diaphragm and Intestines

‏پردہ شکم، ‏جیہڑا ساء لین دا اہم حصہ اے، ‏عام طور تے6 ہفتیاں تکن بن جأوندا اے۔

‏انتڑی دا اک حصہ کجھ چر لئی ناڑ دے اگے ‏ودھ آٔوندا اے۔ ‏ایہہ عام عمل جنہوں فتقی عمل کہندے نیں، ‏شکم وچ دوجے اعضاواں لئی جگہ بنأوندا اے۔

Chapter 23   Hand Plates and Brainwaves

‏6 ویں ہفتے تکن ہتھ دیاں مٹھاں تے انہاں تے پولی جئی چوڑی تہہ آون لگدی اے۔

‏دماغی لہراں 6 ہفتے تے 2 دیہاڑیوں توں پتا چلن لگ پیندیاں نیں۔

Chapter 24   Nipple Formation

‏سینے دے سامنے والے حصیاں تے ‏اپنی پوری شکل توں ذرا پہلے ‏چوچیاں نکل آٔوندیاں نیں۔

Chapter 25   Limb Development

‏6 1/2 ہفتیاں تکن، کہنیاں نظر آون لگ پیندیاں نیں، ‏انگلاں وکھ وکھ ہون لگ پیندیاں نیں، ‏ہور ہتھ دی حرکت نظر آون لگدی اے۔

‏ہڈیاں بننا، جنہوں ہڈیاں بننے دا عمل کہندے نیں، ‏سینے دی سامنے آلی ہڈی ‏یاہنسلی دی ہڈی ‏تے اوپرلے تے تھلوے جبڑے دیاں ہڈیاں توں شروں ہوجأوندا اے۔

Chapter 26   7 Weeks: Hiccups and Startle Response

‏7ویں ہفتے توں ہچکیاں مسوس کیتیاں جا سکدیاں نیں۔

‏لتاں دی ہل جل تے تراہ نکلنا ‏ہون نظر آون لگدے نیں۔

Chapter 27   The Maturing Heart

‏4 خانیاں آلا دل ہون پورا ہو چکیا اے۔ ‏ہون دل اوسطاً اک منٹ وچ 167 واری دھڑکدا اے۔

‏7 1/2 ہفتیاں وچ دل دی برقی حرکت ‏دیاں لہراں دی شکل جواناں ورگی دسدی اے۔

Chapter 28   Ovaries and Eyes

‏کڑیاں وچ 7 ہفتیاں وچ ، بیضہ دانیاں بھی پچھانن دے قابل ہوجاندیاں نیں۔

‏7 1/2 ہفتیاں تکن، اکھ دا رنگ آلا گول حصہ ‏اسانی نال ویکھیا جأوندا اے تے پلکاں ‏تیزی نال ودھن لگ پیندیاں نیں۔

Chapter 29   Fingers and Toes

‏انگلاں وکھ وکھ ہوندیاں نیں ‏ہور پنجے صرف تلوے دے حصے توں جڑے ہوندے نیں۔

‏ہتھ ہن اک دوجے کول آسکدے نیں، ‏تے ایسی طراں پیر وی۔

‏گوڈیاں دے جوڑ وی نظر آٔوندے نیں۔

The 8-Week Embryo

Chapter 30   8 Weeks: Brain Development

‏8 ہفتیاں تکن دماغ چنگی طراں بن چکیا ہوندا اے ‏ہور جنین دے پورے جسم دے وزن دا ادھو ادھ ہوندا اے۔

‏بڑھوتری بہوت چھیتی ہوندی رہندی اے۔

Chapter 31   Right- and Left-Handedness

‏8 ہفتیاں تکن 75%حملاں وچ سجے ہتھ دی اہمیت نظر آون لگ پیندی اے۔ ‏باقیاں وچ کھبے حصے تے کوئی ترجیح نہ ہون دے وشکار ‏اک ہی جیا ونڈ ہوندا اے۔ ‏ایہہ سجے تے کھبے ہتھ توں کم کرن دا پتا لگن دی سب توں پہلی نشانی ہے۔

Chapter 32   Rolling Over

‏بچیاں دے مسلیاں دی کتاباں وچ جمن توں 10 تو ں 20 ‏ہفتیاں بعد ایس اہلیت نوں مکیا سمجھیا گیا اے۔ ‏جد کہ گھٹ کشش ثقل آلے ‏محول وچ پانی ورگے مواد دے غلاف جنین نال بہوت پہلے ‏چنگا تعاون ظاہر کیتا اے۔ ‏صرف زور دے گھاٹے دی وجہ توں ‏جیہڑی بچہ دانی دے باہر کشش ثقل دی چوکھی قوت نوں روکے ‏تاں جے نویں جمن آلے بچے پٹھے نہ جم سکن۔

‏ایس ویلے تکن حمل جسمانی طور تے ‏زیادہ ہشیار ہوجأوندا اے۔

‏حرکتاں ہولیاں یا تیز، ‏کدھی کدھار یا وار وار، ‏یک دم یا وقفے پا کے ہوندیاں نیں۔

‏سر ہلانا، گاٹے دا ودھأو ہور ہتھ تے منہ دا رابطہ، ‏بار بار ہوندے نیں۔

‏حمل نوں ہتھ لان نال اوہدا ٹیڑھا ہو کے ویکھنا، ‏جبڑے دا ہلنا، ‏پھڑنے دی کوشش، ‏ہور پنجے مارنا پتا لگدا اے۔

Chapter 33   Eyelid Fusion

‏7 توں 8 ہفتیاں وشکار، اوپر تے تھلے آلیاں پلکاں ‏اکھاں تے ودھن لگدیاں نیں ہور کجھ کجھ جڑ جأوندیاں نیں۔

Chapter 34   "Breathing" Motion and Urination

‏حالاں جہ رحم وچ کوئی ہوا نہیں ہوندی، ‏تاں وی حمل 8 ہفتیاں وچ ساء لیندا مسوس ہوندا اے۔

‏ایس ویلے تکن، گردے پیشاب بنأوندے نیں ‏جیہڑا غلاف جنین وچ پہنچدا اے۔

‏منڈیاں دے حمل وچ ، بنن آلے خصیے ‏ٹیسٹو سیرون بنأونا تے خارج کرنا شروں کردیندے نیں۔

Chapter 35   The Limbs and Skin

‏ہڈیاں، جوڑ، پٹھے، اعصاب، ‏ہور اعضاواں وچ خون دیاں نالیاں ‏جواناں ورگیاں ہوجاندیاں نیں۔

‏8 ہفتیاں تکن باہر دی چمڑی تے، ‏بہوت ساری تہواں آلی جھلی، ‏بن جاندی اے جس دا شفاف پنا ختم ہون لگدا اے۔

‏جدوں منہ دے آسے پاسے بال نظر آون لگ پین تے پرمٹے نکلدے نیں۔

Chapter 36   Summary of the First 8 Weeks

‏اٹھواں ہفتہ حمل دے مکن دا ویلا اے۔

‏ایس ویلے ، انسانی حمل ‏اک خلیے توں ودھ کے ‏تقریباً 1 ارب خلیاں وچ بدل چکیا ہوندا اے ‏جیہڑے 4,000 وکھو وکھ ڈھانچے بنأوندے نیں۔

‏ہون حمل وچ وڈیاں ورگیاں ‏90% توں ودھ بناوٹاں پایاں جاندیاں نیں۔


Add a Comment

Your Name: Log In 3rd-party login: Facebook     Google     Yahoo

Comment: