Skip Navigation

National Geographic Society This program is distributed in the U.S. and Canada by National Geographic and EHD. [learn more]

Multilingual Illustrated DVD [Tutorial]

The Biology of Prenatal Development




గర్భస్థ శిశువికాస జీవ విజ్ఞానము

.తెల [Telugu]


 
Download English PDF  Download Spanish PDF  Download French PDF  What is PDF?
 

Chapter 15   5 Weeks: Cerebral Hemispheres

4 నుండి 5 వారాల మధ్య మెదడు వేగంగా పెరగడాన్ని కొనసాగిస్తూ 5 విలక్షణ భాగాలుగా విభజించుకుంటుంది.

పిండం మొత్తం పరిమాణంలో తల 1/3 భాగం ఉంటుంది.

సెరిబ్రల్ హెమిస్పియర్లు బహిర్గతమై క్రమంగా మెదడు లోని అతిపెద్ద భాగాలుగా తయారవుతాయి..

సెరిబ్రల్ హెమిస్పియర్లు అంతిమంగా నియంత్రించే పనులలో ఆలోచన, నేర్చుకోవడం, జ్ఞాపకం, మాటలు, చూపు, వినికిడి, స్వచ్ఛంద కదలిక మరియు సమస్యా పరిష్కారము ఉంటాయి.

Chapter 16   Major Airways

శ్వాస వ్యవస్థలో కుడి మరియు ఎడమ ప్రధాన మూల శ్వాసనాళాలు ఉండి చివరకు ట్రాఛియా లేదా వాయునాళాన్ని ఊపిరితిత్తులతో కలుపుతాయి.

Chapter 17   Liver and Kidneys

కొట్టుకుంటున్న గుండె ప్రక్కనే ఉదరభాగాన్ని ఆక్రమించిన పెద్ద కాలేయాన్ని గమనించండి.

శాశ్వత మూత్రపిండాలు 5 వారాలకు కనిపిస్తాయి.

Chapter 18   Yolk Sac and Germ Cells

యోక్ శాక్, జెర్మ్ సెల్స్ అని పిలువబడే తొలి పునరుత్పత్తి కణాలను కలిగి ఉంటుంది. 5 వారాలకు ఈ జెర్మ్ సెల్స్ మూత్రపిండాలకు ప్రక్కనేఉన్న పునరుత్పత్తి అవయవాలకు తరలి వెళ్ళుతాయి.

Chapter 19   Hand Plates and Cartilage

అంతే కాకుండా 5 వారాలు గడిచేటప్పటికి, పిండము హ్యండ్ ప్లేట్లను అభివృద్ధి చేస్తుంది మరియు 5 1/2 వారాలకు తరుణాస్థిక నిర్మాణం ప్రారంభమవుతుంది.

ఇక్కడ మనం ఎడమచేయి ప్రారంభ రూపాన్ని మరియు మణికట్టును 5 వారాల 6 రోజులకు చూడగలం.

Embryonic Development: 6 to 8 Weeks

Chapter 20   6 Weeks: Motion and Sensation

6 వారాలకు సెరిబ్రల్ హెమిస్పియర్ లు మిగతా మెదడు భాగాల పెరుగుదల అనుపాతానికి భిన్నంగా ఎంతో వేగంగా పెరుగుతుంటాయి.

పిండము స్వచ్చంద మరియు ప్రతిస్పందనాత్మక కదలికలను ప్రారంభిస్తుంది. అలాంటి కదలికలు నాడులు కండరాల సాధారణ పెరుగుదలకు అవసరం.

నోటి భాగం దగ్గర కలిగిన స్పర్శ పిండం ప్రతిస్పందనాత్మకంగా తలను వెనక్కు తీసుకునేలా చేస్తుంది.

Chapter 21   The External Ear and Blood Cell Formation

చెవి బాహ్య భాగము రూపు సంతరించుకోవడం ప్రారంభిస్తుంది.

6 వారాలకు, ప్రస్తుతం లింఫోసైట్లు ఉన్న కాలేయంలో రక్త కణాల నిర్మాణం కొనసాగుతుంటుంది. ఈ రకపు తెల్ల రక్త కణం అభివృద్ధి చెందే రోగ రక్షణ వ్యవస్థకు కీలక భాగం.

Chapter 22   The Diaphragm and Intestines

డయాఫారమ్, అంటే ఊపిరి పీల్చుకోవడానికి ఉపయోగించే ప్రధాన కండరం, చాలా వరకు 6 వారాలకు రూపొందుతుంది.

పేగులలోని ఒక భాగము తాత్కాలికంగా బొడ్డు నాళంలోకి చొచ్చుకొని వస్తుంది. ఫిజియో లాజిక్ హెర్నియేషన్ అని పిలువబడే ఈ సాధారణ ప్రక్రియ అభివృద్ధి చెందే ఇతర అవయవాలకు ఉదరంలోపల స్థానాన్ని కల్పిస్తుంది.

Chapter 23   Hand Plates and Brainwaves

6 వారాలకు హ్యాండ్ ప్లేట్స్ ఒక సూక్ష్మ బల్ల పరుపుతనాన్ని పొందుతాయి.

6 వారాల 2 రోజులు అంత తొలిదశలోనే మెదడు తరంగాలు రికార్డు చేయబడ్డాయి.

Chapter 24   Nipple Formation

ఛాతీ యందు గల తమ ఆఖరు స్థానాన్ని చేరుకోవడానికి కొంచెం ముందు రొమ్ము ప్రక్క భాగాలలో చనుమొనలు కనిపిస్తాయి.

Chapter 25   Limb Development

6 1/2 వారాలకు మోచేతులు గుర్తించదగినట్లుగా మారి వ్రేళ్ళు విడిపోవడం ప్రారంభమవుతుంది, మరియు చేతుల కదలికలు చూడవచ్చు.

ఒస్సిఫికేషన్ అని పిలువబడే ఎముకల నిర్మాణం క్లావికల్ లేదా కాలర్ బోన్ మరియు క్రింది, పై దవడ ఎముకలలో ప్రారంభమవుతుంది.

Chapter 26   7 Weeks: Hiccups and Startle Response

7 వారాలకు ఎక్కిళ్ళు గమనించబడ్డాయి.

ఉలిక్కిపడడంతో పాటు కాళ్ళు కదలడం కనిపిస్తుంది.

Chapter 27   The Maturing Heart

4 గదుల గుండె దాదాపు పూర్తి అవుతుంది. ఈ దశలో సగటున గుండె నిముషానికి 167 సార్లు కొట్టుకుంటుంది.

7 1/2 వారాలకు రికార్డు చేయబడిన గుండె విధ్యుత్ తరంగ క్రియ పెద్దవారిలో ఉండే తరంగ క్రియ మాదిరిగానే ఉన్నట్లు తెలుపుతుంది .

Chapter 28   Ovaries and Eyes

ఆడ గర్భస్థ పిండాలలో అండాశయాలు 7 వారాలకు గుర్తించబడ గలుగుతాయి.

7 1/2 వారాలకు, రంగు కలిగిన కంటి రెటీనా సులభంగా కనిపిస్తుంది మరియు కంటి రెప్పలు వేగంగా పెరగడం ప్రారంభిస్తాయి.

Chapter 29   Fingers and Toes

చేతివ్రేళ్ళు విడిపోయి ఉంటాయి. కాలివ్రేళ్ళు కేవలం మూలం దగ్గరే కలసి ఉంటాయి

చేతులు ఇప్పుడు కాళ్ళలాగే దగ్గరకు రాగలవు

మోకాళ్ళ కీళ్ళు కూడా కనిపిస్తాయి.

The 8-Week Embryo

Chapter 30   8 Weeks: Brain Development

8 వారాలకు మెదడు బాగా అభివృద్ధి చెంది పిండం మొత్తం శరీరంలో దాదాపు సగం బరువు కలిగి ఉంటుంది.

అసాధారణ వేగంతో అభివృద్ధి కొనసాగుతుంది.

Chapter 31   Right- and Left-Handedness

8 వారాలకు 75% పిండాలు కుడి చేతి ఆధిపత్యాన్ని ప్రదర్శిస్తాయి. మిగిలిన వాటిలో ఎడమ చేతి ఆధిపత్యము మరియు ఏవైపు మొగ్గు చూపని పిండాలు సరి సమానంగా ఉంటాయి. కుడి లేదా ఎడమ చేతి ఆధిపత్యపు తొలి ప్రవర్తన ఆనవాళ్ళు ఇక్కడే కనిపిస్తాయి.

Chapter 32   Rolling Over

శిశు వైధ్య శాస్త్ర పాఠ్య పుస్తకాలు "బోర్లా పడటం" జననం తరువాత 10 నుండి 20 వారాలకు జరుగుతుంది అని వివరిస్తాయి. అయితే ఆసక్తికరమైన ఈ సమన్వయం అల్ప భూమ్యాకర్షణ వాతావరణం గల ద్రవంతో నిండిన అమ్నియాటిక్ సంచిలో ఎంతో ముందుగానే ప్రదర్శితమవుతుంది. అధిక భూమ్యాకర్షణను ఎదుర్కొని దొర్లడానికి అవసరమైన శక్తి లేక పోవడంవల్లే గర్భాశయం బయట శిశువు వెంటనే బోర్లా తిరగ లేక పోతుంది.

పిండం శారీరకంగా మరింత చురుకుగా తయారవడం ఈ దశలో జరుగుతుంది.

కదలికలు నెమ్మది లేదా వేగంగా ఒక సారి లేదా పదే పదే స్వచ్ఛంద లేదా ప్రతిస్పందనాత్మకంగా ఉండవచ్చు.

తల తిప్పడం, మెడ సాచడం మరియు చేతులు ముఖానికి తగలడం చాలా తరచుగా జరుగుతాయి.

తాకడం వల్ల ఓరగా చూడడం, దవడలు కదలడం పట్టుకోవాలన్నట్లు కదలికలు, బొటనవేలు పైకి లేపడం లాంటి ప్రతిస్పందనలను పిండం ప్రదర్శిస్తుంది.

Chapter 33   Eyelid Fusion

7 నుండి 8 వారాల మధ్య పై మరియు క్రింది కనురెప్పలు కళ్ళ ఉపరిభాగంపై వేగంగా పెరుగుతాయి మరియు పాక్షికంగా ఒక దానికొకటి అతుక్కుని ఉంటాయి.

Chapter 34   "Breathing" Motion and Urination

గర్భాశయంలో గాలి ఉండక పోయినప్పటికి పిండం మధ్య మధ్యలో శ్వాస తీసుకుంటున్న కదలికలను 8 వారాల నుండి ప్రదర్శిస్తుంది.

ఈ సమయానికి మూత్రపిండాలు మూత్రాన్ని ఉత్పత్తి చేస్తే అది అమ్నియోటిక్ ద్రవంలోనికి విడుదల అవుతుంది.

మగ పిండాలలో, అభివృద్ధి చెందుతున్న వృషణాలు టెస్టోస్టెరోన్ ఉత్పత్తి మరియు విడుదల ప్రారంభిస్తాయి.

Chapter 35   The Limbs and Skin

ఎముకలు, కీళ్ళు, కండరాలు, నరాలు మరియు అవయవాలలోని రక్త నాళాలు చాలా వరకు పెద్ద వాళ్ళలో ఉన్నలాగానే అనిపిస్తాయి.

8 వారాలకు ఎపిడెర్మిన్ లేదా బాహ్య చర్మము బహుపొరలతో కూడిన చర్మంగా తయారవడం, చాలా వరకు తన పారదర్శక లక్షణాన్ని కోల్పోవడం జరుగుతుంది.

నోటి చుట్టు వెంట్రుకలు కనిపించడంతో పాటే కనురెప్పలు పెరుగుతాయి.

Chapter 36   Summary of the First 8 Weeks

8 వారాల ప్రత్యేకత ఏమిటంటే ఇక్కడికి పిండ దశ ముగుస్తుంది.

ఈ కాలంలో మానవ పిండం ప్రారంభ ఏక కణ దశ నుండి దాదాపు 1 బిలియను కణాలకు పెరిగి 4000 లకు పైగా విలక్షణ శరీర నిర్మాణాలను రూపొందించుకుంటుంది.

ఇప్పుడు పిండం పెద్దలలో ఉండే శరీర నిర్మాణాలలో 90% పైగా కలిగి ఉంటుంది.


Add a Comment

Your Name: Log In 3rd-party login: Facebook     Google     Yahoo

Comment: