Add a Comment Sections Home › Multilingual Illustrated DVD

Multilingual Illustrated DVD [Tutorial]

The Biology of Prenatal Development

جمن توں پہلاں بڑھوتری دا علم حیاتی

.پاکستانی پنجابی [Punjabi, Western]

This program is distributed in the U.S. and Canada by National Geographic and EHD. [learn more]

To purchase online: visit EHD's Online Store

Choose Language:

Download English PDF Download Spanish PDF Download French PDF What is PDF?

Show Table of Contents

The Fetal Period (8 Weeks through Birth)

Chapter 37 9 Weeks: Swallows, Sighs, and Stretches

See Snapshots

‏جنین دا ویلا جمن تکن جاری رہندا اے۔

See Snapshots

‏9ویں ہفتے تکن، انگوٹھے دا چوپنا شروں ہوجأوندا اے ‏ہور جنین پانی ورگا غلاف دا مادہ جھپ سکدا اے۔

See Snapshots

‏جنین کوئی شے پھڑ وی سکدا اے، ‏سر اگے پچھے ہلا سکدا اے، ‏جبڑا کھول تے بند کرسکدا اے،جیب ہلا سکدا اے، آہ بھردا اے، ہور لیٹ سکدا اے۔

‏چہرے دے اعصابیے، ہتھاں دیاں ہتھیلیاں، ‏تے پیراں تے تلوے ہولا ہولا چھونا محسوس کرسکدے نیں۔

‏"پیر دے تلوے تے ہلکی گدگدی کرنے دے جباب وچ"، ‏جنین اپنی پٹھ تے گوڈا موڑ کے ہور پنجے ٹیڑھے کرسکدا اے۔

See Snapshots

‏اکھاں دیاں پتلیاں ہون پوری طراں بند نیں۔

See Snapshots

‏نرخرے وچ ، آواز آلے پٹھے دا ظاہر ہونا ‏آواز دے آلے دے بننے دی نشانی اے۔

See Snapshots

‏کڑیاں دے جنین وچ، رحم دی پچھان ہوجاندی اے ‏ہور کچے تخلیقی خلیے جیہڑے اوگونیا کہواندے نیں ‏بیضہ دانی دے اندر جم رہے ہوندے نیں۔

‏نر تے مادہ دی پچھان لئی باہر دے تناسل دے اعضا ‏بنن لگدے نیں۔

Chapter 38 10 Weeks: Rolls Eyes and Yawns, Fingernails & Fingerprints

See Snapshots

‏9 ہور 10 ہفتیاں دے وشکار چھیتی بڑھوتری نال ‏جسم دا وزن 75% تک ودھ جأوندا اے۔

See Snapshots

‏10ویں ہفتے تکن، اوپرلیاں پلکاں دی ‏حرکت نال اکھ ہلدی جلدی رہندی اے۔

‏جنین جمائیاں لیندا اے ہور اسکر منہ کھولدا تے بند کردا اے۔

See Snapshots

‏بہوت سارے جنین سجا انگوٹھا چوپدے نیں۔

‏ناڑ وچ انتڑی دے حصے ڈھڈ ‏دے خلاء ول واپس مڑ دے نیں۔

See Snapshots

‏بہوت ساریاں ہڈیاں مکمل ہون دا عمل شروں ہوجأوندا اے۔

See Snapshots

‏ہتھاں تے پیراں دے ناخون نکلن لگدے نیں۔

See Snapshots

‏پیر بھاری ہون توں 10 ہفتیاں بعد انگلاں تے نشان ظاہر ہوندے نیں۔ ‏ایہہ نشان پوری زندگی پچھان لئی استمال ہوندے نیں۔

Chapter 39 11 Weeks: Absorbs Glucose and Water

See Snapshots

‏11 ہفتیاں تکن ‏نک تے بل پوری طراں بن چکے ہوندے نیں۔ ‏جسم دے ہر دوجے حصے دی طراں، ‏انہاں دی شکل وی حیاتی دے ہر مرحلے ‏تے بدل دی جاوے گی۔

See Snapshots

‏انتڑی جنین دے جھپے ہوئے گلوکوز تے پانی ‏نوں جذب کرن لگ پیندی اے۔

See Snapshots

‏حالانکہ جنس دا پتا پیر بھاری ہون ‏دے ویلے ہی لگ جأوندا اے، ‏پر باہر آلے اعضائے تناسل ‏ہی منڈے یا کڑی دی پچھان ‏کراندے نیں۔

Chapter 40 3 to 4 Months (12 to 16 Weeks): Taste Buds, Jaw Motion, Rooting Reflex, Quickening

See Snapshots

‏11 تے 12 ہفتیاں دے وشکار، ‏جنین دا وزن 60% تک ودھ جأوندا اے۔

‏بارواں ہفتہ حمل دے پہلے تیجے ‏یا تیجے مہینے دی نشانی ہے۔

See Snapshots

‏ہون منہ وچ چکھن دی پچھان آلے حصے بن جأوندے نیں۔

‏جمن توں ہی، چکھن آلے حصے ‏صرف جیب ہور منہ دے اوپری حصے وچ ہوندے نیں۔

See Snapshots

‏آندراں دی ہل جل12 ہفتیاں توں شروں ہوندی اے ‏ہور تقریباً 6 ہفتے باقی رہندی اے۔

‏جنین ہور نویں جمن آلے بچے دی آندراں وچوں نکلن آلا پہلی وار دا مادہ ‏میکونئیم کہواندہ اے۔ ‏ایہہ ہاضمے آلے خامرہ ‏پروٹین ، ہور ہاضمے دی نالیاں ‏توں باہر کڈھے مردہ خلیاں ‏نال مل کے بنیا ہوندا اے۔

See Snapshots

‏12 ہفتیاں تکن، اوپری اعضاواں دی لمائی ‏تقریباً جسم دے مطابق پہنچ جاندی اے۔ ‏تھلویں اعضا اپنی پوری حد ‏تک پہنچن لئی بہوت ویلا لیندے نیں۔

See Snapshots

‏کنڈ تے سر دے اوپر آلے حصے توں علاوہ ‏جنین دا پورا جسم تھوڑا جیاچھیڑنے نال جواب دیندا اے۔

See Snapshots

‏جنس دی اپنی بڑھوتری پہلی وار ‏وکھری وکھائی دیندی اے۔ ‏مثال دے طور تے، کڑیاں دے جنین وچ منڈیاں دی نسبت ‏جبڑیاں دی ہل جل بہوتی ہوندی اے۔

See Snapshots

‏پہلوں ویکھیا گیا ہتھ لانے تے ردعمل دے برخلاف ‏ہون منہ دے کول ہتھ لان دے جواب وچ ‏ردعمل ظاہر ہوندا اے ہور منہ کھل جأوندا اے۔ ‏ایہہ ردعمل" اصلی ردعمل" کہواندا اے ‏ہور ایہہ جمن توں بعد وی رہندا اے، ‏جیہڑا نویں جمن آلے بچے نوں اپنی ماں دے دودھ پلان دے دوران چوچی ‏لبھن وچ مدد کردا اے۔

See Snapshots

‏منہ وڈا ہوندا جأوندا اے ‏کیونکہ چربی دونویں گلاں دے درمیان بھرن لگدی اے ‏ہور دند بنن لگ پیندے نیں۔

See Snapshots

‏15 ہفتیاں تکن، خون بناون آلے خلیے پہنچن لگدے نیں ہور ہڈیاں ‏دے گودے وچ انہاں دی تعداد ودھ جأوندی اے۔ ‏خون دے خلیے بنن دی بہوت ساری بناوٹ ایتھے ہی ہوندی اے۔

See Snapshots

‏اگرچہ 6 ہفتیاں دے حمل وچ ہل جل شروں ہوجاندی اے، ‏بھاری پیر آلی زنانی نوں جنین دی ہل جل پہلی وار 14 توں ‏18 ہفتیاں وچ مسوس ہوندی اے۔ ‏دیسی طور تے، انھوں تیزی ہونا کہندے نیں۔

Chapter 41 4 to 5 Months (16 to 20 Weeks): Stress Response, Vernix Caseosa, Circadian Rhythms

See Snapshots

‏16 ہفتیاں تکن، جنین دے ڈھڈ وچ ‏ٹیکا لان نال ‏ہارموناں تے زور ‏دا ردعمل ظاہر ہوندا اے ‏جس دے نتیجہ وچ ‏خون وچ نوراڈرینالین تے نوریپائن فرین بغدی اے۔ ‏نویں جمن آلیاں ہور وڈیاں وچ وی ایسی طراں حملہ کرن آلیاں دے ‏جواب وچ ردعمل پیدا ہوندا اے۔

See Snapshots

‏ساء لین دے نظام وچ، ‏ہوا دی نالی ہون تقریباً پوری طراں بن چکی اے۔

See Snapshots

‏حفاظت کرن آلا چٹا مادہ، ‏جنہوں ورنیکس کیسیوسا کہندے نیں، ‏ہون جنین نوں ڈھک لیندا اے۔ ‏ورنیکس جنینی جھلی دے مادے دے ‏تکلیف دہ اثرات توں چمڑی نوں ‏بچأوندا اے۔

See Snapshots

‏19ویں ہفتے توں جنینی حرکتاں، ساء لین دا عمل، ‏ہور دل دی دھڑکن روز چلن لگدی اے ‏جنہوں سرکیڈئین ترتیب کہندے نیں۔

Chapter 42 5 to 6 Months (20 to 24 Weeks): Responds to Sound; Hair and Skin; Age of Viability

See Snapshots

‏20 ہفتیاں تکن قوقعہ، ‏جیہڑا سنن دا عضو اے، ‏پوری طراں بنے ہوئے اندر آلے ‏کن وچ وڈیاں ورگی شکل ‏پا لیندا اے۔ ‏ایس توں بعد، ‏جنین مختلف قسم دیاں آوازاں ‏تے اپنا ردعمل ظاہر کر دا اے ۔

See Snapshots

‏سر تے بال اگنا شروں ہوجأوندے نیں۔

‏بال دے غدیاں تے عضو سمیت چمڑی دیاں ساریاں تہواں ‏دیاں بناوٹاں موجود نیں۔

See Snapshots

‏امیدواری توں21 توں 22 ہفتیاں تکن، ‏پھیپڑیاں وچ ساء لین دی صلاحیت آجأوندی اے۔ ‏ایہہ صلاحیت دی عمر سمجھی جاندی اے ‏کیونکہ کجھ جنیناں لئی رحم توں ‏باہر بچأو ممکن ہو جأوندااے۔ ‏طب وچ ہون آلیان نویاں دریافتاں نے ‏ویلے توں پہلوں جمن آلیاں بچیاں دی حیاتی ‏نوں بچانا ممکن کردیتا اے۔

Chapter 43 6 to 7 Months (24 to 28 Weeks): Blink-Startle; Pupils Respond to Light; Smell and Taste

See Snapshots

‏24 ہفتیاں تکن اکھاں دیاں پلکاں دوبارہ کھل ‏جأوندیاں نیں تے جنین جھپکنا ، چونکنا، شروں کردیندا اے۔ ‏یک دم ، اونچیاں آوازاں تے ردعمل ‏عام طور تے پہلے جنین کڑیاں وچ پیدا ہوندا اے۔

See Snapshots

‏بہوت سارےتحقیق کرن آلے دسدےنیں کہ اونچی آوازاں ‏جنین دی صحت نوں نقصان پہنچا سکدیاں نیں۔ ‏فوری نتیجیاں وچ ‏کافی مدت لئی دل دی تیز دھڑکن، ‏جنین وچ جھپن دی زیادتی، ہور بے قاعدہ مزاجی تبدیلیاں شامل نیں۔ ‏لمے عرصے دے نتیجیاں وچ سننے وچ گھاٹا وی ہوسکدا اے۔

See Snapshots

‏جنین دا ساء لین دا نظام بہوت ودھ کے ‏اک منٹ وچ 44 دفعہ ساء اندر باہر کڈھن تکن ہوسکدا اے۔

See Snapshots

‏حمل دے تیجے وقفے دے دوران، ‏دماغ دی تیز بڑھوتری جنین دی استعمال کرن آلی توانائی دا 50% ‏استعمال کر دی اے۔ ‏دماغ دا وزن 400 توں 500% تکن ودھ جأوندا اے۔

See Snapshots

‏26 ہفتیاں تکن اکھیاں اتھرو بنأونا شروں کردیندیاں نیں۔

‏27ویں ہفتے تکن اکھ دیاں ڈھیریاں روشنی تے ردعمل ظاہر کرن لگدیاں نیں۔ ‏ایس ردعمل وچ پردہ چشم توں لنگھن آلی روشنی تے قابو ‏شامل اے جیہڑا ساری حیاتی لئی ہوندا اے۔

See Snapshots

‏سونگھن دی حس ‏کم کرن لئی سارے فعل چل پیندے نیں۔ ‏ویلے توں پہلاں جمن آلیاں بچیاں دی تحقیقاں ‏دسدیاں نیں کہ امیدواری توں 26 ہفتیاں ‏دے اندر بو سونگھنے دی صلاحیت آجأوندی اے۔

‏جنینی محلول دے اندر مٹھا مواد رکھن دی صورت وچ ‏جنین دی جھپن دی شرح ودھ جأوندی اے۔ ‏ایس دے برخلاف کٹھا مواد رکھن دی صورت وچ ‏جنین گھٹ جھپ دا اے۔ ‏مختلف منہ دے اظہار وی نظر آٔوندے نیں۔

See Snapshots

‏ٹرنے دی طراں جے طریقے نال لتاں ہلاکے ، ‏جنین قلابازیاں کھأوندا اے۔

See Snapshots

‏جنین تے جھریاں گھٹ پیاں ہوندیاں نیں ‏کیونکہ چمڑی تھلے فالتو چربی جمع ہوجأوندی اے۔ ‏چربی جسم دا درجہ حرارت قائم رکھن تے جمن توں بعد توانائی جمع کرن لئی ضروری ‏حصہ ادا کردی اے۔

Chapter 44 7 to 8 Months (28 to 32 Weeks): Sound Discrimination, Behavioral States

See Snapshots

‏28 ہفتیاں تکن جنین اوچیاں تے ہولیاں ‏آوازاں دی چنگی پچھان کرسکدا اے۔

See Snapshots

‏30 ہفتیاں تکن، ساء لینا عام ہوجأوندا اے ‏ہور اک عام جنین وچ 30 توں 40% ویلے ہوندا اے۔

See Snapshots

‏حمل دے آخری 4 مہینیاں وچ ‏جنین مربوط حرکتاں دے وقفے ظاہر کردا اے ‏جس وچ کجھ ویلا آرام دا ہوندا اے۔ ‏ایہہ مزاجی حالتاں ‏مرکزی اعصابی نظام دیاں ہمیشہ قائم رہن ‏آلیاں پیچیدگیاں ظاہر کردیاں نیں۔

Chapter 45 8 to 9 Months (32 to 36 Weeks): Alveoli Formation, Firm Grasp, Taste Preferences

See Snapshots

‏تقریباً 32 ہفتیاں تکن، ‏اصلی جوفیزہ ، ‏یا ہوا نال بھر ے ہوئے خلیے ‏پھیپھڑیاں وچ بنن لگدے نیں۔ ‏جمن توں 8 وریاں تکن ایہہ بندے رہندے نیں۔

See Snapshots

‏35 ہفتیاں تکن جنین دے ہتھ دی مضبوط پکڑ ہوجأوندی اے۔

See Snapshots

‏جنین دی مختلف مواداں تک پہنچ ‏جمن توں بعد ذائقیاں تے اثر پا سکدی اے۔ ‏مثال دے طور تے، ایہو جے جنین جنہاں دی ماواں نے سونف کھادی ہووے، ‏اوہ مواد جیہڑا ذائقے وچ ملیتھی ورگا ہوندا اے، ‏جمن توں بعد سونف بھأوندے نیں۔ ‏نویں جمن آلے جنہاں سونف نہیں کھادی انہاں نوں چنگی وی نہیں لگدی۔

Chapter 46 9 Months to Birth (36 Weeks through Birth)

See Snapshots

‏جنین کافی مقدار وچ ایسٹروجن دے ناں تو ‏اک ہارمون چھوڑدا اے ہور کوشش شروں کردا اے ‏تے فیر جنین توں نویں جمن آلے بچے تک تبدیلی شروں ہوندی اے۔

‏زچگی دی نشانی وچ رحم وچ زوردار جھٹکے لگنا اے ‏جس دے نتیجہ وچ بچہ جم پیندا اے۔

‏امیدواری توں جمن تے ایس دے بعد تکن، ‏انسانی بڑھوتری ڈھنگ دار، لگا تار تے اوکھی اے۔ ‏ایس سوہنے عمل دے بارے وچ نویاں دریافتاں ‏جنین دی بڑھوتری دا پوری زندگی دی صحت تے ‏پین آلا اہم اثر دسدیاں نیں۔

‏جس طراں شروں وچ ہون آلی انسانی بڑھوتری دے بارے وچ ساڈی سمجھ ‏ودھدی اے ، ایسی طراں ہی ساڈی صحت - نوں ودھان دی وی ودھدی اے ‏جمن توں پہلاں وی تے بعد وی ۔

Your Name:	Log In	3rd-party login:

Comment: